व्यथा
व्यथा
शाळा आणि फळा आमच्या वर का बरे रुसले???
आवडत नाही का त्यांना आम्हां विद्यार्थ्यांचे
दंगा मस्ती करणे...
वर्ग बंद करून सध्या भरतेय ऑनलाईन शाळा...
मला मात्र माझा वर्गच पुन्हा हवा
गणिताच्या तासाला नाही होतं आता
पाढ्यांची उजळणी
विज्ञानाच्या तासाला नाही प्रात्यक्षिकांची मेजवानी...
वाचनाशिवाय भाषेची गोडी कशी वाढणार??
इतिहासातील सनावळीची कोडी कशी सुटणार??
मित्रांची संगत, मधल्या सुट्टीतला डब्बा
पि.टी च्या तासाची जागा कोण घेणार??
कितीही अभ्यास केला तरी काहीतरी कमी वाटतं...
वर्गात शिक्षकांभोवती घोळका करूनच तर आमच्या
शंकांचं निरसन होतं....
म्हणूनच ऑनलाईन शिक्षणात नाही जिवंतपणा
कुणीतरी स्वप्नात येऊन माझ्या आता एकदाची
शाळा सुरु झाली म्हणा...