पाऊस आला

गडगड वाजे आभाळ आता 

धीरच नाही कसा विजेला 

टपटप टपटप थेंब वाजती,

आला आला पाऊस आला ||१||

मुले पोचली अंगणात मग 

आनंद झाला फुला फुलांना 

प्राणी पक्षी हसून म्हणती 

गाणी गा, अन् नाचा खेळा ||२||

झरझर सरसर पाऊस आला 

ज्याला-त्याला भिजवून गेला 

इथे-तिथे मग देवाजीचा

हात निळा अन् ओला ओला ||३||

धो-धो पाऊस आला 

नदी झऱ्यांना फुलवत गेला 

चिंब चिंब झाली मग धरती 

विसरून गेली व्यथा कथांना ||४||

हळूच मग ते मेघ पांगले,

खेळुन खेळुन तेही दमले.

किरणांची जादू दाखवते 

झगमगत्या इंद्रधनुष्याला ||५||