लाइब्रेरी
प्रोफाइल
व्यसनमुक्ती
व्यसनमुक्ती
1 min
482
मुले झालीत मोठी
मला सोडायचीय दारू
तुम्हीच सांगा गड्यांनो
आता मी काय करू ?
दारू पिऊन घरी जातो
दार उघडाया पोरगं येतं
त्याला पाहिल्यावर लाजेनं
मुंडकं माझं खाली जातं
विचारांचं थैमान माजतं
घालमेल होते मनात सुरू
तुम्हीच सांगा गड्यांनो
आता मी काय करू ?
टेन्शन आलं की घेतो मी
सिगारेटचा झुरका
वीस तरी सिगारेट पितो
एका दिवसात मी बरं का
खोकून खोकून जीव जातो
लागलो आता मी मरू
तुम्हीच सांगा गड्यांनो
आता मी काय करू ?
दारू सिगारेट तंबाखू
ही व्यसने आहेतच वाईट
पण मी मात्र अडकलोय
या व्यसनांच्या खाईत
क्षीण होतंय शरीर माझं
लागलो जीवनाची बाजी मी हारू
तुम्हीच सांगा गड्यांनो
आता मी काय करू ?
