वरूणराजा

पावसाच्या सरींनी

चिंब झाली धरणी

मृदगंध पावसाचा

फुलला मनोमनी ||१||

वरुणराजाच्या आगमनाने

मयुर नाचे वनी

इंद्रंधनूही डोकावे

आकाशीच्या कमानी ||२||

सुगंधी सडा प्राजक्ताचा

शिंपला ग अंगणी

बहरून आली सृष्टी

धुंद झाले फुलपाखरावाणी ||३||

पावसाला बघताच

बळीराजा सुखावला मनी

तृषार्त घेऊनी अंगावर

हिरवाईने नटली अवनी ||४||

डोलू लागली पिके छान

शिवाराने शाल पांघरली

डोंगर-दरीतून खळखळे

नदी-नाले तुडुंब भरली ||५||

वरुणराजाने निसर्गाला

सौंदर्याचा साज चढविला

हर्षभरीत झाले चराचर

आनंदोत्सव साजरा केला ||६||