तुझी माझी जोडी
तुझी माझी जोडी
1 min
256
तुझी माझी जोडी सख्या
मज वाटे राजाराणी
गाऊ सुखी संसाराची
अशी गोड गोड गाणी ||१||
तुझी माझी जोडी सख्या
जणू राधा आणि कृष्ण
राहू आपण अगदी
इथे गुण्यागोविंदानं ||२||
तुझी माझी जोडी सख्या
जणू राम आणि सीता
जाऊ वनवासी दोघे
वाचू भगवदगीता ||३||
तुझी माझी जोडी सख्या
जणू शंकर-पार्वती
जाऊ कैलासी मिळून
करू देवाची आरती ||४||
तुझी माझी जोडी सख्या
असती साता जन्माची
जन्मोजन्मी मिळो तुम्ही
करीतो पूजा वडाची ||५||