तरुण भारताचा
तरुण भारताचा
तू तरूण भारताचा
निजला असा कसा रे
तोड जातीयतेच्या बेड्या
उठ लढ माणसा रे
जीव गेला त्याचा
जो लढला एकट्याने
एक केलं मानवाला
परकीय संकटाने
वेगवेगळे तीन रंग
आनले तिरंग्यात एक
भारतमाता ही सुंदर
जरी रंगछटा अनेक
परकीय संकटाचे
संपले ते युद्ध जरी
जातीयतेची कीड
अशी लागली जिव्हारी
मतभेद असले तरीही
मनभेद नको रे आता
मनी ठेव भारतमाता
तिच्या चरणी टेक माथा