लाइब्रेरी
प्रोफाइल
ती पहाट
ती पहाट
1 min
240
रात्र वैरी अन सचिंती मनी
पहाट दारी अलगद आली
भान प्रियाचे हरले क्षणी
उजळूनी दान देऊनी गेली
किणकीण लाली ल्याली
गुंजन मनी भरुनी राहिली
क्षण उजळत्या प्रहरातली
पहाट मनास स्पर्शुनी गेली
क्षण ते ओझरता मनास
आस जीवा सुनी लागली
जीव ओवळूनी टाकत
भाव अंतरीचे दावुनी गेली
आसक्त प्रभाती ती लाली
प्रभा तयाची भाळूनी गेली
सरता रात्र गर्भात पहाट
कानी आशा बोलुनी गेली
मिटल्या पापणीतली आस
नजरेत भान उरुनी जगली
कातर काहुरी ती क्षणास
ती पहाट मनात उरुनी राहिली
हा क्षण ठेव मनी जपूनी
हलकेच मनाला जाग आली
भाळूनी गेला तो स्पर्श उरी
पहाट जीव ओवळूनी गेली
