लाइब्रेरी
प्रोफाइल
तहान
तहान
1 min
289
वीतभर पोटासाठी
मिळावयास भाकरी
धनिकाच्या शेतामंधी
मायबापाची चाकरी
उघडी नयन पाहती
नको नको ते रे हाल
सरली ताकत देहाची
नसे पावलातही चाल
जिद्द दाटली मनात
शिकू लागलो शाळा
स्वकष्टाच्या बळानेच
जिंकलो विजय माळा
घडा ज्ञानाचा भरूनी
पुसलो अज्ञानी धब्बा
खेळ संपला दारिद्री
झालो स्वबळावर उभा
न पुसणारे ही आता
देऊ लागलेत सन्मान
जिज्ञासेने मज घडविले
तिचा मला रे अभिमान
नव युवकांनो तुम्हास
अशीच लागावी तहान
नशिबास दोष देवूनी
कोणी होत नसे महान
