पर्यावरण संवर्धन
पर्यावरण संवर्धन
वृक्ष आमुचे सखे सोयरे
देती प्राणवायू अन्नपाणी
धरणीवरचे आश्रीत सारे
नांदती सौख्य समाधानी
वृक्षावर घातल्या कुऱ्हाडी
उजाड केलेत घनदाट रान
तुटून गेले निसर्ग संतुलन
पडले पर्यावरणावर ताण
औद्योगिक क्रांतीनेच जगी
पाय पसरले वायू प्रदूषण
विश्व तापमान वृध्दी करती
खाण पेट्रोल डिझेल इंधन
झाली वन वृद्धी सिमेंटची
अंतर्धान पावली शुध्द हवा
नित्य जीवघेणा कोंडमारा
तिथं चालेना रोगावर दवा
अंगार फुस्कारता चंडाशू
झरे नद्या विहिरी आटती
दुष्काळात पिकेना शेती
बघून सारे हृदय फाटती
सदा छळ मांडूनी निसर्गाचा
समीप आला अंताचा धागा
निसर्ग नियमानं जगायला तू
मानवा शीघ्रगती हो रे जागा
झाडे लावा झाडे जगवा
साऱ्यांनी घ्या एकच ध्यास
पर्यावरण संवर्धन हाच आहे
भविष्याचा अंतिम श्वास