स्वर्ग सुख

स्वर्ग सुख संसारात घेण्यास

सुत्रे सुखी संसाराची जपावी

पती-पत्नी ही दोन नाती मात्र

एकमेकांच्या विश्वासाची असावी.

एकमेकांना समजून घेणे

परस्परांच्या मनाला जपणे

दोन्ही चाकानी तोल सावरणे

राग -रूसवा लगेच विसरणे.

एकमेकांची काळजी घेणे

एकमेकांची नाती जपणे

संसार रथ दोघांनी हाकावा

कमी-जास्त भार तो सावरणे.

माझं तुझं कधी न करणे

दोघांच आपलं समजणे

सुख दुःखात साथ तयांची

एकमेकांना सतत असणे.

सूत्रे सुखी संसाराची असतात

पती -पत्नी दोघांच्या हाती

वर चढाव आले संसारात

तर दोघांनी घट्ट ठेवावी नाती.