शोध माझा आयुष्याचा...

शोधात बुडाले आयुष्याच्या

क्षितीजापाशी बघत बसूनी |

नभात उडाले रंगीत पक्षी

मानस माझे ऊंच नेऊनी ||

आभाळाचे टोक गाठले

वर्चस्वाचे गर्व भासले |

आठवणींना चक्षू फुटले

विचार माझे बोलू लागले ||

नकोच गुंता नात्यांचा हा

नकोच प्रेम ते प्रलोभनाचे |

नकोच दुरावा जगातला या

एकटेच येणे न एकटेच जाणे ||

दुःखसागर चहूबाजूनी

केलेच दूर या कौस्तुभ मणीने |

सुखापलिकडील सुख देऊनी

मज मुक्त केले या जन्मातूनी ||