शब्दांचा अबोल स्पर्श

कधी मायेची हळूवार फुंकर

कधी अंगावर येई शहारा

मन हरखून टाके आनंदाने

शब्दांच्या अबोल स्पर्शाचा खेळ सारा

अबोल जरी असला

तरी बोलून जाई बरेच काहीतरी

नाती जोडणारा दुवा असे

कधी हाच उसवून टाके नात्यांची वीण सारी

हा स्पर्श प्रत्येकाला हवाहवासा

दुसऱ्याला द्यावासा वाटतो

कधी मृदू , कधी कठोर

क्षणात कोणाच्या जगण्याचा आधार बनून जातो

छेडीतो तारा मनाच्या

दिवसाची सरगम कधी बदलून जातो

अबोल स्पर्शाचा अचूक अर्थ उमगता,

आयुष्य जगण्याचे गणित उलगडून देतो