शब्द

प्रेमात युद्ध झाले शब्दास ताणतांना

जिंकून विश्व आला प्रेमास वाटतांना

मोठे लहान सारे जिंकून युद्ध आला

हारून ठार झाला शब्दांत भांडतांना

शब्दातल्या लढाया जिंकून तोच गेला

तोलून मापतो जो शब्दांस मांडतांना

मोठे महान योद्धे टाकून शस्त्र गेले

खोट्याच दोन थापा प्रेमात ऐकतांना

प्रेतात प्राण आला ऐकून गोड वार्ता

माणूस प्रेत झाला अपमान सोसतांना

पाऊस झेलतांना संतप्त वादळेही

झालीत चिंब ओली पाण्यात खेळतांना

प्रेमापलीकडे ना सामर्थ्य ताकदींचे

झाले फकीर राजे प्रेमास मागतांना