रुसवा

सोड रुसवा प्राण प्रिया रे

हा माझाच ध्यास आहे 

सर्वस्व वाहिले तुला मी

तू माझाच श्वास आहे

जपले फूल प्रेमाचे

हृदयी ताजेच आहे

देह असला माझा जरी

हा प्राण तुझाच आहे

तू चंद्र जरी माझा 

मी रोहिणी तुझीच आहे

बंदी ठेविले हृदयी तुला मी 

तू माझाच प्राण आहे

अश्रू दाटले बांध फुटले

तरी अश्रू तुझेच आहे

सर्वस्व वाहिले तुला मी

तू माझाच श्वास आहे

वाट पाहते प्राणसख्या रे 

सोड मनातला रुसवा

माझ्या मनातले प्रेम हे 

सारे तुझेच आहे

सोड आता बहाणे

तू सूर मी गाणे

असला मनी रुसवा तरी

हे गाणे तुझेच आहे