रंगारंग दुनिया
रंगारंग दुनिया
जाता रंगात रंगूनी
मन जाई गुंगूनी
जत्रेमध्ये खेळण्यात
मूल जाई हरवूनी
येतो प्रकाशाचा रथ
घोड्यावर सातरंगी
डोळे दाखवती सारे
सृष्टीतले रंग जगी
रंग निळा नभाचा
पित असे उर्जेचा
रंग तांबडा प्रेमाचा
असे हरित सृष्टीचा
खरा निसर्ग रंगारी
नाना ऋतू नाना छटा
रंग दावे दिनभर
मनोहारी रंगछटा
कधी सुख कधी दु:ख
रंग दावती भावना
साऱ्या रंगांचे महत्व
असे मनुष्य जीवना