रेशीम गाठी

आयुष्यात जुळतात

 रेशीम गाठी नशिबाने

पण स्वर्गात बांधल्या

असतात त्या देवाने

गाठीं रेशमी होतात

 करिता तडजोड

सहवासाने वाढे प्रेम

संसार होतो गोड

रेशीम गाठी सदा

 एकमेका देती जिव्हाळा

सुख दुःखात मिळूनी साथ

 भासे न कधी दुःखाचा उन्हाळा 

दोन जीव दोन कुळाचे

बांधले जातात रेशीम गाठींनी

सहजीवन आनंदी करीती 

साथ देत तडजोडींनी

 सहजीवन सुखी होण्या

 असे धागा विश्वासाचा 

 देण्या सुखाच्या घागरी

 रेशीम गाठीत महत्त्वाचा