रातराणी कोमेजली

 मने जुळूनी आपुली , वेडी मी कुठे फसली

 माझे मलाच कळेना , प्रीत अशी का रुसली  ।। धृवपद

    दिली घेतली मिळूनी वचने ती उमजूनी

   चंद्र असता नभात, चांदण्यात त्या रमूनी

    रातराणी हळुवार लाजतच बहरली

   माझे मलाच कळेना , प्रीत अशी का रुसली    1

   लाट जशी सागराची,वाट पाही किना-याची

    ओढ तुझ्या त्याभेटीची भासे सदा सहा-याची

    तुझ्या येण्याची अजुनी ,आस सखया लागली

    माझे मलाच कळेना प्रीत अशी का रुसली  ....   2

    किती दावलीस स्वप्ने सख्या भाबड्या मनाला

    उगा दिधले बहाणे भेटण्यास न येण्याला

   नको मज दावू आता रातराणी कोमेजली

    माझे मलाच कळेना प्रीत आशी का रुसली...  3