परत दे मला, माझी तीच वेळ...

परत दे मला ,

माझी तीच वेळ ,

जी सुखाच्या पदराला बांधली होती ,

तुझा सहवास ,

हेच सर्वस्व ,

गाठ मनाशी पडली होती ...

परत दे मला ,

माझी तीच वेळ ...

मनाला पंख फुटले,

रोज धावते त्याच दिशेने,

जिथे तु मला भेटली होती,

नकळत स्वप्नाच्या ,

धाग्यात गुंफून ,

नाती मनाची जुळली होती...

परत दे मला ,

माझी तीच वेळ ...

निळ्या रंगाची गोष्ट,

रंग सांडता आकाशी,

गुलाबीशी रंगली होती ,

कसा जाऊ परत त्या वेळेत,

जिथे वेळ माझी ,

तुझ्या वेळेशी जुळली होती...

परत दे मला ,

माझी तीच वेळ ...