लाइब्रेरी
प्रोफाइल
प्रीतीत पावसाच्या
प्रीतीत पावसाच्या
1 min
46
तप्त ऊन्हाच्या झळा साहूनी
कोमेजली धरेची काया
दिसे मरगळलेली सृष्टी
वृक्षाची कमी भासे छाया
ओती आग रवीराज
होई लाही लाही अंगाची
कृष्ण मेघांची नभी गर्दी
धरा वाट पाहे मृग जलाची
आल्या आल्या मृग धारा
भिजूनीया तृप्त वसुंधरा
ओली चिंब चिंब जाहली
चिंब प्रीतीच्या पावसात धरा
देता आलिंगन धरेस
कण कण जाहले तृप्त
मृद गंध दरवळे आसमंती
जल पिऊन वसुधा संतृप्त
बरसता जलधारा भुवरी
भासे हिरवाईने नटली
जणु प्रीतीच्या पावसात
नव वधू सजली धजली
*प्रीत पावसाने* अंकुरली
बीजांकुरे फुटे अलवार
नेसविला हिरवा शालू
लाजून मुरडली हळूवार
