प्रीतिच्या बेटावर
प्रीतिच्या बेटावर
1 min
224
कुणीच नाही या वाटेवर
दोघे आपण या बेटावर
सागर पसरे दूर दूरवर
ढग नाचतात बघ तालावर
जरा विसावू या गवतावर
डोळ्यांत सलग बघत खोलवर
दिव्य भव्य बघ ही सुंदरता
मनात गुंजे ही मोहकता
निवळत गेली ही दाहकता
तोड मनाची तुझी शांतता
कवेत घे हे तारे सारे
वाहत आले प्रीतिचे वारे
चुंबून हळू घे दवबिंदू
ओठांवरील हे जलबिंदू
अवतरेल बघ इथेही स्वर्ग
आहे साक्षी सुंदर निसर्ग