प्रेमाच्या पाऊसधारा

मेघा रे मेघा रे

पाऊसधारा बरसू दे

तिच्या आणि माझ्यामध्ये

प्रेमाचा अंकुर फुटू दे

बरसत आहेत पाऊसधारा

तिला मन माझं शोधतंय

तिच्या प्रेम पावसासाठी

मी वेडा चातक वाट पाहतोय

श्रावणसरी बरसताना

तू माझ्या जवळ असावीस

होता विजेचा कडकडाट

हळूच माझ्या कुशीत शिरावीस

तुझ्या प्रेमाच्या पाऊसधारा

अशा माझ्यावर बरसू दे

होऊ दे तृप्त एकदाचा मला

मनसोक्त तुझ्या प्रेमात भिजू दे