प्रेमा तुझा रंग कसा ?

प्रेमा तुझा रंग कसा ?

 अबोल प्रीतीचा रंग जसा

 कृष्ण राधेचे निस्सिम प्रेम

 तरीही मीराबाईच्य प्रेमाचा                

भक्तिमय रंग जसा

 प्रेमा तुझा रंग कसा ?

वादळवाटा आल्या तरी

संकटात अढळ राहून

विश्वास प्रीतीने संकट तारणारी

प्रेमा तुझा रंग कसा ?

लडिवाळ बाळाचे गोकुळ घरी

दुडक्या चालीत,बोबड्या बोला

कन्हैयाचे नंदनवन नांदते दारी

प्रेमा तुझा रंग कसा ?

कष्टाच्या झोपडीत सुखाची झोप

स्वप्न सुखी संसाराचे

स्वर्गसुखाला नाही मोजमाप

प्रेमा तुझा रंग कसा ?

हातातील मेहंदीचा रंग जसा

गालावरचा गुलाबी रंग जसा

रेशमी ऋणानुबंधाची ठेव जसा