Library
Profile
पायवाट
पायवाट
रानातली पायवाट मला खुणावते
नकळत मी तिच्यासवे दूर जाते
वाटेत भेटती मला गर्द वनराई
बघुनी मन माझे तेथे विसावी
घेऊनी मग क्षणभर विश्रांती
देह मन कसे प्रफुल्लित होई
कुणी पांथस्थ वाटेवर कधी भेटे
होत असे चार गुजगोष्टी तेथे
त्याला असे गंतव्याची आस
मी तर असे या वाटेवर खुश
होता मग आमुचे मार्ग विलग
वाटेवर मी चालत राही सलग
color: rgb(0, 0, 0); font-variant-numeric: normal; font-variant-east-asian: normal; vertical-align: baseline; white-space: pre-wrap;">ती वाट मला नवी प्रेरणा देई
नकळत मी तिच्याशी एकरूप होई
जणू माझ्या परी मला ती भासे
दोघींनाही ओढ अज्ञाताची असे
येणाऱ्या प्रत्येक वळणावर
परत दिसे एक मोठा मार्ग समोर
पण पाऊल माझे वळे आपसूकच
दिसणाऱ्या छोट्याशा पायवाटेवरच
जरी माहित नसे कुठे ही नेणार
तरी मी तिच्या सवे दूर दूर जाणार
सोडूनी मार्ग मोठे ही वाट दूर जाते
या वाटेवर चालता चालता
मला आयुष्याचे मर्म उमजते
