पाऊस

पाऊस मोठ्या मनाचा

आहे खूप खूप मानाचा

पाऊस पडता चैतन्य दिसे

पाऊस नसता निरसता भासे

पाऊस वाटे सर्वांना हवाहवा

पाहिजे तो प्रत्येक गावागावा

पाऊसरुपी आनंदघन येतो

सारा निसर्ग मोहरुन जातो

रिमझिम रिमझिम बरसती धारा

नवजीवन मिळते चराचरा

मनामनाला मोहवी पाऊस 

त्यात भिजायची साऱ्यांना हौस

पाऊस आहे अन्नब्रह्माचा निर्माता

आहे सर्वांचा खूप खूप आवडता

वाट पाहते पावसाची सारे शिवार

तृप्त होई भूमी पडता त्याचे तुषार

पाऊस येता हिरवा शालू लेई धरा

सर्वत्र वाही सुख समृद्धीचा झरा