पाणीटंचाई
पाणीटंचाई
पाणी पाणी पाणी गाऊ किती गाणी
तुजविण सृष्टी दिसे सुनी सुनी
प्रातःकाळी कामे तुज साथी होती
झोप येईना माठ रिते असती
सानथोर वणवण भटकती
जेथे दिसे तेथे तुटून पडती
पशुपक्षी व्याकुळ किती रे झाली
रान सोडूनी शहरात घुसली
पाण्याविना शेत रान करपली
बळी दुभंगला कर्ज ओझ्याखाली
दुष्काळाचा कितीक सोसावा मारा
कुठे दिसेना खळाळतांना झरा
ग्रीष्म ऋतु एकच हालहवाल
पाणी मिळे तोच दिसे लालेलाल
चला जलसंधारणा देऊ गती
करु पाणीटंचाई हद्दपार ती
पड पावसा होऊ दे पाणी पाणी
प्यासी धरा कर तिची आबादाणी