नववर्षाची पहाट

नववर्षाची पहाट होता

मुखांवरील झालरी उठू दे..

रंध्रातूनी खुला श्वास घेता

आनंदमय गीत उमलू दे..

भिजू दे चिंब पावसात मजला

नि:शब्द रांगडा मेघारव ऐकू दे

सळसळणाऱ्या पानांमधुनी

धुंदीत मला मुक्त फिरू दे....

सांगत येतो वारा काही

नयन मिटूनी मला ऐकू दे

गुजगोष्टी या अनेक दिसांच्या

वार्‍यासंगे मला बोलू दे

हताश होणे मंजूर नाही

आशेला कधी अंत नाही,

अंधारलेल्या वाटांवरूनी 

दीप उजळूनी स्तंभ बनू दे...