नवरा म्हणजे नवरा असतो

नवरा म्हणजे नवरा असतो

बायकोच्या हातातला तो, भवरा असतो

.

बायकोच प्रेम मिळवताना

त्याची पिळवणूक फार होते

तिच्या प्रेमापोटी काम करताना

त्याची छळवणूक फार होते

.

कधी कधी ..

ऑफिस मधून घरी येताना

ते गजरे आणावे लागतात

अन

रोज तिचे ते रट्याळ

नखरे पहावे लागतात

.

काय मिळल ते खायला,

ते गप खावं लागतं

खाताना हसरया चेहरयाने

तिच्याकड पहाव लागतं

.

तिच्या रूसव्याच फुगव्याच कारण

कधी कधी कळत नसते

अन तिच्या शिवाय आपल्या

आयुष्याच पान मात्र वळत नसते

.

बायको अन आईच्या भांडणात

मरण मुलाचेच होत असते

तेव्हा त्याच्या मनाला समजणारे

तिरसे तिथे कोणी नसते

.

टिव्ही वरचे ते डेली सोप

बळजबरी ने पहावे लागते

त्या डेलीसोप मुळे,

बातम्या तर सोडाच

पण सालं क्रिकेटलाही मुकावे लागते

.

मी सांगतो कि हो

.

नवरा म्हणजे नवरा असतो

आई ने जपलेला

अन

बायको ने फिरवलेला

तो भवरा असतो

.

बाहेर कितीही सुंदरी पाहिल्या तरी

आपल्या घरी मात्र आपली सुंदरी असते

बरी का होईना

पण

आपली बायको ही आपली परी असते