नमन

नमन राष्ट्रमाता जिजाऊंच्या कुशल शिकवणूकीला ।

अन शिवरायांच्या कर्तृत्ववान कामगिरीला ।।

नमन सत्यशोधक ज्योतिबांच्या परिवर्तन कार्याला ।

अन ज्ञानज्योती माई सावित्रीच्या कणखर मनाला ।।

नमन आंबेडकरांच्या धर्मनिरपेक्षतेच्या संघर्षाला ।

अन शालिनतेच प्रतिक माता रमाईच्या त्यागाला ।।

नमन गाडगेबाबांच्या प्रबोधनशिल कीर्तनाला ।

अन अण्णांच्या संयुक्त महाराष्ट्राच्या लढ्याला ।।

नमन अन्नदात्या बळीराजाच्या घामाच्या थेंबाला ।

अन सीमेवर लढणाऱ्या सैनिकांच्या सामर्थ्याला ।।

नमन दाभोलकरांच्या श्रद्धेच्या मंत्राला ।

अन पानसरेंच्या पुरोगामी विचारांना ।।

नमन गौरी लंकेशच्या झुंजार लेखनीला ।

अन कलबुर्गीच्या नडगमगनाऱ्या वृत्तीला ।।

नमन अंधारात उगणाऱ्या क्रांतीच्या सूर्याला ।

अन विषमतेचा गळा कापणाऱ्या प्रत्येक समतावाद्याला ।।