निरोप

होणार होती दुसऱ्याची

तर माझ्यावर प्रेम का केलं

मला सोडून जाताना

तुझं काळीज कसं धजलं

जोडीने पाहिलेल्या स्वप्नांचा 

खेळ अर्ध्यावर सोडून

निरोप घेतला तुझा मी

जड अंतःकरण करून

वेदनेत पाणावले डोळे

आठवणीत भान विसरलो

विरहाच्या विचारात डोळ्यांत 

छबी तुझी साठवत राहिलो

भेट होती आपली

खरंच ती शेवटची

पुसटशी का होईना

आठवण राहील प्रेमाची

निरोप जरी घेतलास 

सुखी तू रहावीस

स्वप्नात तरी मला

रोज तूच दिसावीस