मर्यादा

हवी मर्यादा जीवनी

वागण्यात बोलण्यात

आणावी ती अंमलात

सुखी होतो जीवनात

रोजच्या जीवनाला

लावा वळण मर्यादेचे

म्हणजे जगण होते 

सदोदित नियोजनाचे 

नदीला असतो काठ

सागरास  तो किनारा

त्यामुळे वसतात नगर

 मिळे मानवास निवारा

दिसे मर्यादा निसर्गात 

म्हणूनच चाले ऋतुचक्र

जरा होता तो असमतोल

निसर्गाची होते दृष्टी वक्र

अशी महती मर्यादेची

ध्यानी ठेवावी जीवनी

ओलांडता रेष मर्यादेची

घडले रामायण भुमनी