मोरपीस
मोरपीस
न घडले कधी जे आज घडले आहे ।।
स्वप्न पाहता मिठीत पडले आहे ।।
बोलता न आले मनातले मला
अंतरी फुलल्या किती कळा
डोळ्यात एक असू
अन ओठावर हसु
वेगळेच माझे जग आज भासले आहे ।।
न घडले हे कधी जे आज घडले आहे ।।
न असे कधी फुलले रंग
आलास तू बरसे नवा गंध
किमया तुझी नवी
चालली अशी मजवरी
हे भास नवे- हे आवाज कुठले आहे ।।
न घडले हे कधी जे आज घडले आहे ।।
कोणती करतो तू युक्ती
क्षणात निशद्ब होई मती
अंगभर नवे रोमांच
जणू मोरपिसाचा नाच
तूच अंतरी माझे काय उरले आहे ।।
न घडले हे कधी जे आज घडले आहे ।।