Library
Profile
मी पाहिलं होतं
मी पाहिलं होतं
1 min
324
मी पाहिलं होतं
लहानपणी माझ्या गावातील नदीला आलेलं पाणी
मी पाहिलं होतं
त्याच नदीत पोहताना लहान मुलांना
मी पाहिलं होतं
त्याच नदीवर जाऊन धुणं धुतांना
प्रत्येक बाईच्या चेहय्रावरचं हसणं
मी पाहिलं होतं
होय मी पाहिलं होतं
वेळेबरोबर संपत गेलेल्या त्या नदीचं पाणी
मी पाहिलं होतं
टँकरने पाणी आल्यानंतर घाईघाईने
त्यांत पाईप टाकून पाणी भरणाय्रा गावकय्रांना
मी पाहिलं होतं
खिशात पैसे नसतानाही
पिण्यासाठी विकत पाणी घेतांनाचं दुःख
मी पाहिलं होतं
पाऊस पडो न पडो
पण माझ्या शेतात काहीतरी पिकावं म्हणून
कष्ट करणाय्रा प्रत्येक शेतकऱ्यांच्या
त्या घामाच्या थेंबाला
मी पाहिलं होतं
आणि शेवटी पाऊस पडला नाही म्हणून
भेगा पडलेल्या शेतजमिनी पाहून
आत्महत्या करणाय्रा शेतकऱ्यांना
मी पाहिलं होतं
मी पाहिलं होतं
