मी... अमिट

तू लाख कर प्रयास पण मी मिटणार नाही 

फुलण्यासाठी जन्म माझा, हाय मी मिटणार नाही।। 

राखेतूनी स्वतःच्या मीच उमलणार आहे;

आग लागली म्हणून मी झुलसणार नाही;

हाय मी मिटणार नाही ।।

डुंबूनी स्वतःमध्ये मी तरंगण्यास शिकलो 

समुद्र झाला मित्र आता मी बुडणार नाही;

हाय मी मिटणार नाही।।

अथांग मनामध्येच निर्मिती होते वादळांची भारी

तडाख्याने त्याच्या ही पालवी कोमेजणार नाही;

हाय मी मिटणार नाही।।

कसा मिटवू या 'मी'ला विचार भारी केला 

मग हळुच तो कानात कुजबुजला मी मिटणार नाही ;

मी मिटणार नाही।।

सत्त्वाकडे चालला प्रवास चालला हा तेजाकडे

रज तमाच्या बागुलबुवांना आता मी डरणार नाही;

हाय मी मिटणार नाही।।