लाइब्रेरी
प्रोफाइल
माखण चोरी
माखण चोरी
1 min
295
केली पुन्हा माखण चोरी
पडला घट लोण्याचा
मागे फिरुनी पाही कृष्णा
येईल आळ फोडण्याचा
मान मागे वळूनी पहाता
मोरपीस डोईचे झुले
गळ्यातील माळ मोत्याची
पुढे-मागे सहज डुले
काळे कुरळे कुंतल
कानी कुंडले सुंदर
भाळी चांदनाचा टिळा
रूप शोभे मनोहर
साद देण्या सवंगड्यांना
डोळे मोठे मोठे करुनी
हाताने सावरे बासरी
मनी विचार पळ काढू इथूनी
येतील सारे सवंगडी
दुध लोणी खावया
कुठे राहिला सख्या पेंद्या
वाट पाहतो कन्हैया
