लाइब्रेरी
प्रोफाइल
माझी मराठी
माझी मराठी
1 min
153
शब्दा शब्दात रचुनी मराठी
तुकोबाने लिहिली गाथा
मायबोलीत रचुनि अभंग
मनामनाची मांडली व्यथा
कथा कादंबऱ्या आणि अभंग
माझ्या मराठीच्या संग
भक्तजन करुनी श्रवण
झाली भजनात दंग
माझ्या मराठीचे बोल
समंदरा परी खोल
उंच उंच लाटा उसळीत
दावी आपले ती मोल
संत ,कवि करुनी लिखाण
अज्ञानाची देती जाण
शब्द शब्दांना बांधुनी
देती मराठीला मान
बोल माझ्या मराठीचे..
वळवावी तैसी वळे
कधी मातीमंदि लोळे
कधी आभाळाला मिळे
माझ्या मराठीची थोरवी
साधुसंतांनी गायली
शब्दा शब्दातूनी वाहते
माझी मराठी माऊली
