माझी मामी
माझी मामी
1 min
846
मामी माझी खूप गुणाची
आवड तिला स्वयंपाकाची !
पदार्थ बनवी स्वादिष्ट व रुचकर,
मागाल तो करी , पुढ्यात हजर !
दडपे पोहे ,ढोकळा, गुळपोळी, भेळ !
तिचा सर्वांशी चांगलाच मेळ !
भरतकाम , विणकामातही निपुण
परिपूर्ण नारीचे की हो हे गुण !
मामा मामीचा संसार भलताच गोड !
त्याला संस्कार व नियमांची जोड !
प्रशांत आणि प्रसाद खूप भाग्याचे !
अशी आई करी कल्याण जीवनाचे !
माझ्या लग्नात कृपा केली विशेष !
कुठलेच सोपस्कार ठेवले नाही शेष !
मिळवले माझ्या कन्यादानाचे पुण्य
तुम्हां दोघांविना सगळंच होतं शून्य !
मानपान ,केळवण , मेहूण , डोहाळे जेवण,
तु स्नेहात गुंफलास माझा प्रत्येक क्षण !
सौख्य-स्वास्थ्य राहो तुझ्या अंगणी
तुला दीर्घायुष्य लाभो हीच प्रार्थना मनी !