माझा निसर्ग

पावसाळ्यात हिरवीगार शाल अंगावर ओढतो 

तर उन्हाळ्यात सोनेरी रंगछटा उमटवतो 

निळ्या आसमंतात सप्तरंगी इंद्रधनूचे दर्शन घडवतो 

माझा निसर्ग प्रत्येक क्षणी विविध रंगछटांंत रंगतो 

विशाल सागरजलात लाटांंसमवेत राहतो 

डोंगरदऱ्यांंमध्येसुद्धा पवनरूपाने संचारतो 

ओसाड जमीन असो वा हरित वनराई सगळीकडे अस्तित्व दाखवतो 

माझा निसर्ग प्रत्येक ठिकाणी निरनिराळ्या कलाकृती निर्माण करतो 

सर्व पशुपक्ष्यांंना अधिवास देतो 

जीवनावश्यक असणारे जल व वायूही पुरवतो 

खनिजसंपत्ती व अन्नद्रव्यही विनामूल्य देतो 

माझा निसर्ग प्रत्येक जीवाचे उदारतेने संगोपन करतो 

भूतकाळातील घडामोडींंचा साक्षी राहून इतिहास शिकवतो 

भूगोलाच्या रूपाने भौगोलिक व्याप्ती दर्शवतो 

विभिन्न स्वरूपांद्वारे विज्ञान समजावतो 

माझा निसर्ग प्रत्येक विषयाचे अविस्मरणीय ज्ञान देतो 

मातेप्रमाणे जवळ घेऊन उदार मातृत्व दाखवतो 

जीवनाच्या वाटेवर एक हाडाचा शिक्षक बनून धडे देतो 

अडचणीच्या वेळी एक जिवलग मित्र बनतो 

माझा निसर्ग प्रत्येक नाते निःस्वार्थपणे निभावतो .