माझा बाप

  माझा बाप देवतुल्य

  आहे संस्काराची खाण,

  त्यांच्या प्रेमळ स्पर्शाने 

  होते कर्तव्याची जाण...//१//

   बाप घराचा आधार

   लेतो संकटाचा भार,

   कष्टकरी जीवनात

   दिसे जीवनाचं सार...//२//

   बाप नावाची ही जादू

   असे सर्वांच्याच घरा,

   साऱ्या कुटुंबाचा आहे

   जणू एकोप्याचा दोरा...//३//

    माझा बाप तो करारी

    त्याचा केवढा दरारा,

    पितृतुल्य मानतो हा

    गाव अजूनही सारा...//४//

    अशा बापाची थोरवी

     आम्ही अहोरात्र गाऊ

     बाप माझा बलस्थानी

     त्याच्या पायी लीन होऊ...//५//