शिव छत्रपती

सह्याद्रीच्या कुशीत जन्मला

शहाजी जिजाऊंचा छावा,

या मर्दानी जगी दाखविला

मराठ्यांचा गनिम कावा...//१//

        हर हर महादेव देऊनि आरोळी

        ध्यास हिंदवी स्वराज्याचा,

        एक एक मावळा करोनि गोळा

        बदला घेतला शत्रूंचा...//२//

निजामशाही, आदिलशाही

शत्रू मोघलांवर केले हल्ले,

स्वराज्याचे रक्षण करण्या

मिळविले गड किल्ले...//३//

        'हे राज्य व्हावे' ही श्रींची ईच्छा

        सिद्ध जाहला रणा,

        जावळी खोऱ्यात प्रतापगडी

        कोथळा काढिला अफजलखाना...//४//

कित्येक लढाया जिकूंनी

नष्ट केली अराजकता,

प्रजाहितदक्ष राजा आमचा

मुक्त केली सारी जनता...//५//

        विश्ववंदनिय एकच राजा

         नाव तयांचे शिवछत्रपती,

        चंद्र,सूर्य जोवरी भूवरी

        शिवराया दैवता वंदती...//६//