माझा बाबा

बाबा बाबा

मला माफ कर

तुझ्या छकुलीचा

मायेने हात धर

पुन्हा मी असं

नाही करणार

आईला त्रास

नाही देणार

नको ना माझ्यावरती

असा तू रुसू

नाराज होऊन

कोपऱ्यात बसू

नको धरूस तू

असा अबोला

चल दोघे मिळून

खाऊयात बर्फाचा गोळा

तू रुसल्यावर माझा

लाड पुरवणार कोण?

मायेने कुरवाळून

पाठकुळीवर घेणारी कोण ?

तुझ्या खांद्यावरती बसून

मला पाहायचाय जग

हाताने आकाशातले

पकडायचेत ढग

आकाशाला घालायची

क्षणात गवसणी

तू सोबत असताना करायची

इंद्रधनुष्याची पायपुसनी

एकदिवस लग्न करून

जाईल दुसऱ्याच्या घरी

सारखी सारखी नाही

दिसणार तुझी लडकी परी

बाबा आता तू

थोडा तरी हसना

माझ्याशी गोड गोड

गप्पा मारत बस ना