कुणी तरी असावी

कुणी तरी असावी

आस्थेने विचारपूस करणारी

काय करतेस, कसा आहेस

काळजी घे म्हणनारी ||

कुणी तरी असावी

मनातल समजून घेणारी

बघताच क्षणी मनातल

सारं काही ओळखणारी ||

कुणी तरी असावी

दिसताच मिठी मारणारी

हळूवार केसांवरून हात

फिरवून आपलंसं करणारी ||

कुणी तरी असावी

जिवाला जीव लावणारी

प्रत्येक सुख – दुःखात

सोबत असणारी ||

कुणी तरी असावी

तु माझाच आहेस म्हणून

हातात हात घेऊन

प्रीतीची साथ देणारी ||