किमया..!
किमया..!
डोह माझ्या सारखाच वाटला मला
शांत शांत निशब्द झाल्या सारखा
आत डोकावून पहात असावा जणू
आपलाच अंगरखा पुन्हा पुन्हा....
माझ्या सारखे असेल का कोणी.?
की असतील किती तरी..?
उगाचच म्हणतात धीर देण्या
बेटा डोन्ट वरी डोन्ट वरी...!
इथे कालवा कालव होते म्हणून
आलो या डोहा शेजारी
तो ही म्हणतो मूक पणे
शांत राहू दे मला,जा माघारी..!
राग आला शांतता भंग झाल्याने
लहरी उठल्या पाण्यामध्ये खडा फेकल्याने
म्हणला बरे झाले, मला हसवलेस
जाता जाता नाही फसवलेस..!
स्तिमित होऊन वलये पहिली
ऊर्जा विस्तारून द्विगुणित झाली
माझी मला जाण आली
किमया वेगळीच डोहाने केली...