ज्ञानज्योति सावित्री

ज्ञानज्योति सावित्री

ज्ञानज्योति सावित्रीला

करू मुजरा मानाचा

जिने कठीण काळात

दीप लावला ज्ञानाचा ।।१।।

गावो गावी घरोघरी

असो झोपडी राहुटी

पेटविली ज्ञानज्योत

हाती देऊनिया पाटी ।।३।।

शाळा शिकायचे होते

जेव्हा बंधन नारीला

अशा काळी सावित्रीने

झेंडा बंडाचा रोवला ।।२।।

किती संघर्ष करुनि

स्त्रीला बाहेर काढले

रूढी अन्यायी टाकून

धडे स्वातंत्र्याचे दिले ।।४।।

होती सावित्री म्हणून

नारी इथली शिकली

मोठमोठ्या पदावर

आता कार्यरत झाली ।।५।।

भाग्य आमुचे महान

जन्म सावित्रीचा झाला

करू वंदन पहिले

ज्ञानज्योति सावित्रीला ।।६।।