जळत राहते संवेदना
जळत राहते संवेदना
समाजात जगताना *सखे*
नजरेत प्रश्न अनेकांना,
पाहतात वळून *सारखे*
*जळत राहते संवेदना..*
निसर्गाची देणगी जन्म हा
असा लाभ झाला *आमचाच,*
चूक काय त्या मायबापाची
दैव फुटके *नशिबालाच..*
ठाव नसे शरीराला मग
जगायचे ते *कोणासारखे,*
मन स्त्रीचे शरीर पुरुषी
पांघरून नकली *बुरखे..*
सुधारित समाजाला सांगा
बुरसट विचार *सोडा ना,*
जाणवून देती विषमता
*जळत राहते संवेदना..*
हिणवती हिजडा म्हणुनी
सल टोचत राहते *मना,*
जगू कसे ती का तो होऊन
मरू लागली हर *वेदना*..