जलधारा

*विषय:- जलधारा* 

आल्या आल्या जलधारा 

संगे घेऊन उनाड वारा

पेरणी करा ग सयांनो

लवकर आवरा पसारा 1

केली मशागत नांगरणी

हाताने ग केली खुरपणी

होईल हिरवा शिवार सारा

लवकर आवरा पसारा 2

बी बियाणं किती जपलं जपलं

आज काळ्या कुशीत लपलं लपलं

धरणीमाय दे ग त्याला मायेचा थारा

लवकर आवरा पसारा 3

एकाच मातीची ही वेगळी दुनिया 

कडु आबंट गोड वेगळी किमया

गाडी भरून येईल सोन्याची दारा

लवकर आवरा पसारा 4

दुर्गा देशमुख