नभ दाटून आले

*विषय-नभ आले दाटून*
 नभ आले दाटून कसे
सुर्य टाकला झाकून
 पाऊस येण्याची आशा
 किरणे पहाती वाकुन 1

 नभ आले दाटून कसे
सुटला थंडगार वारा
 ढग खेळती शिवाशिवी
 अंगावर पाडतील धारा 2

नभ आले दाटून कसे
 विजा नाचती थुईथुई
रिमझिम पावसाने
केली थंडगार भुई 3

नभ आले दाटून कसे
 झाला गडगडाट सुरू
 बी बियाण्यांची सावड
 पेरणी दोघांमध्ये करू 4

 नभ आले दाटून कसे
दाटी झाली ही ढगांची
हिरवे होतील शेतसारे
कृपा भिजवित्या मेघांची 5

 दुर्गा देशमुख