जीवन हे...

  जीवन हे असेच असते

  मृगजळासम ते भासते

  हाती धरावे परी गवसत नसते

  केले प्रयत्न तरी पूर्णत्व येत नसते ||1||जीवन हे...

      जीवनाच्या वाटेवर चालताना  

       क्षितिज कवेत घ्यावे वाटते

       पुढे जावे तसे ते मात्र 

       मागे- मागे हटत राहते ||2||जीवन हे...

   ना कुणासाठी थांबते

   ना कुणासाठी पुढे येते  

   काळाप्रमाणे राहणे पसंत करते 

   जीवनाचे चक्र असे गोल - गोल फिरते ||3||जीवन हे...

       कष्ट करण्याची फळ देते

       थांबल्या जीवासी स्तब्ध राहते 

       जणू तेही सावली सारखेच असते 

       चालता चालते, थांबता थांबते||4||जीवन हे...

   जीवन हे असेच असते

   एकल्या जीवाचा ते डाव असते

    सुख-दुःखाचे जणू गाव असते 

    रोज तिथे जगणं आणि मरणं असते ||5||जीवन हे...