हरवलेल्या आयुष्यात !

हरवलेल्या आयुष्यात

वाट सुखाची शोधतांना

चढून जावे उंच शिखरे

ध्येय आपले गाठताना

साकारावे नवे उच्चांक

स्वप्न साकार करतांना,

जावे क्षितिजा पलीकडे

शोध जीवनाचा घेतांना !

पाषाणाच्या मजबूत भिंती

धीर देती माणसांना,

मानवतेच्या खचल्या भिंती

दुःखात सहारा देतांना !

साथ सुखाची देतो निसर्ग

प्रेम त्याच्यावर करतांना,

वास्तवाशी होतो परिचय

निरभ्र आकाश बघतांना !