होय माझा अंत झालेला अता..

मुक्त लिप्ताळ्यातुनी साऱ्याच पाही ,

मीच माझा संत झालेला अता .

    त्यागिता मी सर्व माझ्या वैभवाला ,

    मज दिसे श्रीमंत झालेला अता .

    

स्वच्छ दृष्टी जाहली ; सृष्टीहि सारी ,

मोकळा आसमंत झालेला अता .

    आस नाही ; ना तशी ती वासनाही ,

    जीवनी हेमंत झालेला अता .

    

तो पुराणा देह माझा संपला अन् ,

मी पुन्हा जीवंत झालेला अता .

    साहवेना सुख म्हणोनी नेत्र मिटले ;

    श्वाससुद्धा मंद झालेला अता .

    

मी निघालो दूर , माझ्या मैफलीचा

सूर देखील संथ झालेला अता .