गंध
गंध
वेड तुझं वेड मला , वेड लावी माझ्या जीवा
गुंतले हृदय तुझ्यात हे , वाटे सहवास तुझा हवा
वयात अंतर खूप जरी , भुलवून गेलीस माझ्या मना
स्पर्श फक्त तुझा व्हावा , माझ्या या सगळ्या तना
ऐकण्या तुझं बोलणं होतो क्षणोक्षणी आतुर मी
गंधात , श्वासात बसलोय का तुझ्या ही ग मी
वाऱ्याची झुळूक स्पर्शून जाता , तुझ्याच स्पर्शाचा होई भास
पहिल्या भेटीची मनात माझ्या , आहे खूप उत्सुकता अन् आस
समजून माझं मन भेटशील का मला बंधन सारे तोडून
मिसळून जाऊया एकमेकांत सारी स्वार्थी दुनिया ही सोडून